ԵԽԽՎ-ն Ադրբեջանին կոչ է անում ազատ արձակել Բաքվում պահվող հայ գերիներին
Ստրասբուրգում ԵԽԽՎ ձմեռային նստաշրջանի ժամանակ քննարկվել է 2024 թվականին անդամ պետություններում տիրող իրավիճակը։ Արդյունքում ընդունվելէ № 2580 բանաձևը, որտեղ ասվում է, որ ԵԽԽՎ-ն բարձր է գնահատում մոնիթորինգային կոմիտեի աշխատանքը, որը հետևում է 14 երկրների իրավիճակին:
Փաստաթղթում անհանգստություն է արտահայտված մի շարք երկրներում, այդ թվում՝ Ադրբեջանում և Վրաստանում, ժողովրդավարությունից նահանջի և մարդու իրավունքների խախտումների հետ կապված։ Մասնավորապես, վեհաժողովը լրջագույն մտահոգություն է հայտնել՝ կապված Ադրբեջանում ժողովրդավարության վատթարացման, քաղաքական և քաղաքացիական հասարակության ակտիվիստների, լրատվամիջոցների ներկայացուցիչների և իշխանության այլ քննադատների նկատմամբ բռնությունների հետ։
Բանաձևը կոչ է անում Ադրբեջանի իշխանություններին դադարեցնել հետապնդումները և անհապաղ ազատ արձակել բոլոր նրանց, ովքեր կալանավորվել են քաղաքական դրդապատճառներով։
Վեհաժողովը նաև խստորեն դատապարտում է իշխանությունների կողմից Եվրոպայի խորհրդի խոշտանգումների դեմ կոմիտեի հետ համագործակցելուց հրաժարվելը։ Նշվում է նաև, որ ԵԽԽՎ-ն շարունակում է հետևել Արցախի նախկին ղեկավարության և մյուս ռազմագերիների հետ կապված իրավիճակին՝ կրկնելով այդ մարդկանց ազատ արձակելու կոչն Ադրբեջանին:
Ավելացնել նոր մեկնաբանություն