Հայաստանն ընդգրկվել է ամենաանվտանգ երկրների շարքում՝ ըստ GTI-2026-ի
«Ահաբեկչության գլոբալ ինդեքս 2026»-ը (GTI) ներկայացրել է երկրների հերթական վարկանիշային աղյուսակը՝ ըստ ահաբեկչական սպառնալիքի մակարդակի:
Նախորդ տարվա զեկույցի համաձայն՝ Հայաստանը զբաղեցնում էր 82-րդ տեղը։ 2026 թվականին երկիրն իջել է 81-րդ հորիզոնական, ինչը թույլ է տալիս այն դասել աշխարհի ամենաանվտանգ երկրների շարքին ըստ այս ցուցանիշի (1-ից 100 բալանոց սանդղակով, որտեղ ավելի բարձր դիրքերը համապատասխանում են սպառնալիքի նվազագույն մակարդակին):
Ահաբեկչական ակտիվության ամենաբարձր մակարդակ ունեցող պետությունների թվին են դասվել՝ Պակիստանը (8,574), Բուրկինա Ֆասոն (8,324) և Նիգերը (7,816), իսկ ամենացածրը՝ Ուրուգվայը, Զիմբաբվեն, Վիետնամը:
Վարկանիշում ներկայացված են նաև՝ Սիրիան (7,38)- 6-րդ տեղ, Իսրայելը (6,79)- 10-րդ, Աֆղանստանը (6,678)- 11-րդ, Հնդկաստանը (6,428)- 13-րդ, Ռուսաստանը (5,593)- 17-րդ, Իրանը (5,477)- 18-րդ, ԱՄՆ-ն (4,521)- 28-րդ, Գերմանիան (4,447) - 29-րդ, Ֆրանսիան (3,224)- 35-րդ, Թուրքիան (3,212)- 36-րդ, Չինաստանը (1,311)- 54-րդ, Շվեյցարիան (0,749)- 67-րդ, Միացյալ Արաբական Էմիրությունները (0,749)- 68-րդ, Վրաստանը (0,506)- 77-րդ և Ադրբեջանը (0,123)- 93-րդ տեղ։
«Ահաբեկչության գլոբալ ինդեքսի» ցուցանիշը ձևավորվում է մի շարք հիմնավորումների հիման վրա, ներառյալ՝ ահաբեկչական միջադեպերի քանակը, զոհերի թիվը, հետևանքների ծանրությունը, պատանդառության դեպքերը, ահաբեկչության դեմ պայքարի և նմանատիպ հանցագործությունների քննության արդյունավետությունը, ինչպես նաև այլ պարամետրեր:
Ավելացնել նոր մեկնաբանություն