ՀՀ–ն կարող է չմասնակցել ԵԱՏՄ նիստերին, բայց պատրաստ չէ միությունից դուրս գալուն. փորձագետ
Հայաստանը կարող է չմասնակցել ԵԱՏՄ ոչ մի գագաթնաժողովի, բայց պատրաստ չէ կազմակերպության շրջանակում համագործակցությունը դադարեցնելուն կամ միությունից դուրս գալուն։ ՌԻԱ Նովոստիի հետ զրույցում այս տեսակետն է հայտնել Եվրասիական վերլուծական ակումբի ղեկավար Նիկիտա Մենդկովիչը։
«Չնայած բոլոր ոչ բարեկամական քայլերին, որոնք թելադրված են Արևմուտքի հետ Նիկոլ Փաշինյանի կապերով, նա հասկանում է, որ դա կարող է չափազանց արագ տնտեսական և գուցե նույնիսկ ռազմական աղետի հանգեցնել։ Նա կշարունակի համագործակցել ԵԱՏՄ-ի և ՀԱՊԿ-ի հետ»,- ասել է Մենդկովիչը։
Փորձագետի խոսքով՝ Բելառուսի նախագահ Լուկաշենկոյի և Հայաստանի վարչապետ Փաշինյանի միջև Եվրասիական բարձրագույն տնտեսական խորհրդի նիստում տեղի ունեցած երկխոսությունը Արևմուտքի պահանջների հետ կապված «պատվերի կատարում» է, քանի որ Փաշինյանը չի կարող դուրս գալ կազմակերպությունից, ուստի սկանդալային իրավիճակներ Է ստեղծում:
«Փաշինյանը չժամանեց նաև ՀԱՊԿ-ի վերջին գագաթնաժողովին։ Այժմ նա, ըստ ամենայնի, հող է նախապատրաստում Եվրասիական միության հետ նույնը կրկնելու համար»,- եզրափակել է Մենդկովիչը։
Ավելացնել նոր մեկնաբանություն