Իրանը կրկնապատկում է զորավարժությունները Թրամփի նախագահությունից առաջ
Իրանի զինված ուժերը 2025 թվականին գրեթե կրկնապատկել է ամենամյա զորավարժությունների թիվը նախքան Դոնալդ Թրամփը կստանձնի ԱՄՆ նախագահի պաշտոնը. վերջինս խոստացել է կանխել Իրանի՝ միջուկային զենք ձեռք բերելը։
Ըստ «Report»-ի՝ այս մասին հայտնում է «Financial Times»-ը՝ հղում անելով Իսլամական հեղափոխության պահապանների կորպուսի (ԻՀՊԿ) ներկայացուցիչ, գեներալ Ալի Մոհամմադ Նաինիին։
«Այս տարի զորավարժությունների թիվը գրեթե կրկնապատկվել է անցյալ տարվա համեմատ՝ ի պատասխան սպառնալիքի փոփոխվող պատկերի»,- հրատարակությանն ասել է գեներալը։
Նա հայտարարել է, որ երկու օր առաջ երկրի արևմտյան և հարավային վեց նահանգներում մոտ 30 ցամաքային, օդային և ծովային զորավարժություններ են սկսվել։ Դրանք կտևեն մինչև մարտի կեսերը։ Հրատարակությունը նշում է, որ այս զորավարժությունները ուղղված են «նոր սպառնալիքներին» հակազդելուն, թեև կոնկրետ մանրամասներ չեն տրամադրվել։
Հ.Գ.: Հիշեցնենք, որ Իրանում հունվարի 4-ին մեկնարկել են «Մեծ մարգարե 19» զորավարժությունները, որոնցում Իրանը նորագույն ՀՕՊ համակարգեր է կիրառում:
Ավելացնել նոր մեկնաբանություն