Ջուղայի հայկական գերեզմանոցում ադրբեջանցիները ոչնչացրել են միջնադարյան հայկական ժառանգությունը
Գարդման-Շիրվան-Նախիջևան Համահայկական Միությունը հաղորդագրություն է տարածել․
«2005 թվականի դեկտեմբեր, Ջուղայի հայկական գերեզմանոց ժամանել է քանդման խումբ. Ադրբեջանցի տղամարդիկ մուրճերով քանդում են գերեզմանոցը:
Ջուղայի հայկական գերեզմանոցում 2005 թվականի դեկտեմբերին ադրբեջանցի զինվորները համակարգված կերպով ոչնչացրին միջնադարյան հայկական հազարավոր խաչքարերն ու գերեզմանաքարերը՝ մուրճերով և այլ գործիքներով, նետելով դրանք Ադրբեջանի և Իրանի միջև գտնվող գետը։ Գերեզմանոցի ոչնչացումից մեկ տարի անց, այս իրադարձությունը Ադրբեջանի նախագահը որակեց «հայի երևակայության հետևանք և բացարձակ սուտ»։
Այս վայրը աշխարհի ամենամեծ միջնադարյան հայկական գերեզմանոցն էր՝ հազարավոր եզակի միջնադարյան հուշարձաններով:
Հետազոտող Սիմոն Մաղաքյանը, որն ուսումնասիրում էր Նախիջևանում հայկական ժառանգությունը, հարցազրույցներից մեկում նշել է. «Ջուղայի գերեզմանատան ոչնչացումը խիստ հսկողության տակ գտնվող Նախիջևանի շրջանում հայկական ժառանգության ոչնչացման ամենամեծ և անպատժելի դեպքն է»։
Ավելացնել նոր մեկնաբանություն