Նա, իհարկե, չի նշելու, որ իր օրոք զոհվել են ու հաշմանդամ դարձել հազարավոր երիտասարդներ, թշնամին օկուպացրել է հազարամյակներով հայկական Արցախը. Գալստյան
Նարեկ Գալստյանը ֆեյսբուքյան իր էջում գրում է. «Լսում եմ Հայաստանի նիկոլականների առաջնորդին, թե ինչպես է նա գովում իր կառավարման արդյունքները, նշում, թե ինչ բարձունքների է հասել, ինչքան ճանապարհ է նորոգվել, ինչքան թալան է հետ բերվել։
Նա, իհարկե, չի նշելու, որ իր օրոք
✔️Զոհվել են ու հաշմանդամ դարձել հազարավոր երիտասարդներ։
✔️Տնավեր, փախստական են դարձել հարյուր հազարից ավելի ՀԱՅԵՐ։
✔️Թշնամին օկուպացրել է հազարամյակներով հայկական Արցախը։
✔️Պղծվել են հարյուրավոր եկեղեցիներ, գերեզմաններ, խաչքարներ։
✔️Թշնամուն են հանձնվել հարյուրավոր կմ-ով ճանապարհներ, գործարաններ, ֆաբրիկաներ, արտադրամասեր։
✔️Թշնամուն են հանձնվել հարյուրավոր գյուղեր ու տասնյակ քաղաքներ։
✔️Թշնամու պարտադրանքով ու իր խոնարհ ծառայությամբ փոխվում է մեր ինքնությունը։
✔️Նենգափոխվում է մեր պատմությունը։
✔️Ուրացել է Հայոց ցեղասպանությունը՝ մեր պապերին դարձնելով մեղավոր իրենց իսկ կոտորվելու համար։
✔️Հորը հանել է որդու, որդուն հոր դեմ, ընտանիքների մեջ մտցրել թշնամություն։
✔️Երեկվա պարտքով գարեջուր խմողները ինչ-որ մի հրաշքով դարձել են հաջողակ բիզնեսմեններ։
Նա, իհարկե, այս ամենը չի ասելու։ Նա ասելու է, որ ասֆալտ է արել, ասֆալտ է արել, ասֆալտ է արել, ասֆալտ, ասֆալտ, թալան, ասֆալտ, թալան, ասֆալտ, թալան, ասֆալտ…»։
Ավելացնել նոր մեկնաբանություն