Submitted by H.Aslanyan on
Գերի

Բաքվում ապօրինի պահվող հայերի մեկուսացումը հնարավոր է կանխել. ինչու է ԱԳՆ-ն հապաղում. իրավապաշտպանը՝ հնարավոր քայլերի մասին մի

Ադրբեջանի կողմից ԿԽՄԿ-ի գործունեությունը չերկարացնելու հայտարարությունը ինքնին ենթադրում էր, որ որոշ ժամանակ անց ԿԽՄԿ-ն զրկվելու է իր մարդասիրական հնարավորություններից։ Այս մասին Tert.am-ի հետ զրույցում ասաց իրավապաշտպան, Միջազգային և համեմատական իրավունքի կենտրոնի նախագահ Սիրանուշ Սահակյանը՝ անդրադառնալով այն փաստին, որ ԿԽՄԿ-ն այլևս չի այցելի Բաքվում ապօրինի պահվող ՀՀ քաղաքացիներին:

«Այդ իրավիճակում որպես այլընտրանք կարող է դիտարկվել հյուպատոսական այցելությունների իրավունքը, որն ամրագրված է միջազգային կոնվենցիաներով։ Յուրաքանչյուր սուվերեն պետություն ունի իրավունք այցելելու այլ պետությունում պահվող իր քաղաքացիներին՝ տրամադրելով հյուպատոսական աջակցություն։ Երբ դիվանագիտական հարաբերությունները բացակայում են, սուվերեն պետությունն իր իրավունքը կարող է պատվիրակել հավատարմագրված մեկ այլ պետության։ Օրինակ՝ Ադրբեջանում հավատարմագրված այլ դիվանագիտական-հյուպատոսական ծառայությունները կարող են Հայաստանի փոխարեն իրականացնել այդ իրավունքը, և սա չթույլատրելը կարևոր իրավունքի խախտում է»,- ասաց Սահակյանը։

Նրա խոսքով՝ Ադրբեջանի կողմից չթույլատրելու դեպքում կխախտվի ոչ միայն պետության իրավունքը՝ ճանաչված Վիեննայի կոնվենցիաներով, այլ նաև անազատության մեջ պահվող անձանց իրավունքները։ Սահակյանը նշեց, որ Հայաստանի իշխանությունները կարող են նման մեխանիզմ գործարկել՝ օրինակ՝ վստահելով այդ գործառույթը Շվեյցարիային կամ այլ չեզոք պետության։ Իրավապաշտպանի խոսքով՝ այս առաջարկն արդեն ներկայացվել է ՀՀ ԱԳՆ-ին։

«Նման իրավիճակում ամենաուղիղ, հստակ գործողությունը, որը կարող է մեղմել այդ բացարձակ մեկուսացվածությունը, Հայաստանի կողմից որևէ չեզոք պետությանն իր իրավունքների պատվիրակումն է։ Նշեմ, որ մենք տարաբնույթ քննարկումներ ենք ունեցել՝ գրավոր նամակագրության, բանավոր քննարկումների միջոցով, տարբեր երկրների ներկայացուցիչների հետ։ Արդյունքում՝ գրավոր տեքստ տարբերակով ունենք հաստատում, որ Շվեյցարիայի իշխանությունները հետաքրքրված կլինեն ստանձնելու այդ իրավունքը»,- շեշտեց իրավապաշտպանը։

Սահակյանը տեղեկացրեց, որ իրենք՝ մի խումբ հասարակական կազմակերպություններ, շուրջ երեք ամիս առաջ դիմել են ԱԳՆ՝ առաջարկելով քննարկել հյուպատոսական իրավունքի պատվիրակման հնարավորությունը։

«Ստացանք պատասխան, որ խնդիրը քննարկվում է, խորհրդապահական բնույթ են կրում քննարկումները, ուստի մանրամասներ մեզ չեն հայտնվել։ Դրանից արդեն անցել է, եթե չեմ սխալվում, շուրջ երեք ամիս։ Այդ խնդիրը բարդ վերլուծություններ, տվյալների հավաքագրում, այլ բնույթի գործունեություն չենթադրող որոշման կայացման գործընթաց է։ Այստեղ մեկ կարևոր նկատառում կա՝ արդյոք ՀՀ-ն իր քաղաքացիների կողքին է։ Եթե այո՝ պարզապես պետք է որոշել, որ պետությանն ենք դիմում։ Նախադեպեր շատ կան՝ Շվեյցարիան, Բելգիան և այլն»,- ասաց նա։

Սահակյանը նշեց, որ ընդամենը պետք է սկսել գործընթացը, և եթե Ադրբեջանը խոչընդոտի՝ խախտի Հայաստանի սուվերեն իրավունքները, այդ թվում՝ իրացվող երրորդ երկրների միջոցով, դա նույնպես կլինի դրական արդյունք, քանի որ ՀՀ-ի և միջազգային հանրության համար տեսանելի կլինի, թե խաղաղության և բարեկամական հարաբերությունների ձևավորման շուրջ խոսակցությունները որքանով են երևութական և որքանով՝ իրական։

Նա նաև ընդգծեց, որ եթե այս իրավական մեխանիզմը կիրառվեր ժամանակին՝ Կարմիր խաչի վերջին այցելությունից անմիջապես հետո, ապա այսօր Բաքվում պահվող հայերը չէին հայտնվի նման լիակատար մեկուսացման մեջ։

«Չենք բացառում, որ այդ մեկուսացման պայմաններում խոշտանգումներ կան, որոնց հետևանքով էլ՝ մահեր։ Չկա մշտական մոնիտորինգ, չկա վստահելի տեղեկատվություն՝ այս մարդկանց առողջական կամ հոգեկան վիճակի մասին։ Դա ծանր հետևանք է նաև նրանց ընտանիքների համար»,- ասաց նա։

Անդրադառնալով պաշտոնական Երևանի գործողություններին՝ Սահակյանը հիշեցրեց, որ վերջին արձագանքը, որ ստացել են ԱԳՆ-ից, եղել է այն, որ հարցը «քննարկման փուլում է», սակայն արդեն անցել է երեք ամիս, իսկ որևէ որոշում դեռ չկա։

 

Ավելացնել նոր մեկնաբանություն

Ավելին հեղինակից

Հութի
Հութիները հայտնել են Սաուդյան Արաբիայի ենթակառուցվածքներին հարվածելու մասին
ԱՄՆ
ԱՄՆ Ազգային անվտանգության գործակալության գաղտնի ցանցն արդեն երրորդ օրն է՝ չի աշխատում. NBC News
Նիկոլ
Ես առաջարկում եմ, որ ընդդիմությունն ապահովի անհրաժեշտ 6 ձայնը, և մենք գնանք նոր Սահմանադրության ընդունման հանրաքվեի․ Փաշինյան
Տաթևիկ
Не газуй, թե չէ կգնամ, ու դու կկորցնես քո ամենանվիրված կոլաբորանտին». Փաշինյանի ակնարկը Ալիևին․ Տաթևիկ Հայրապետյան
Լևոն
Լևոն Արոնյանը հաղթել է ադրբեջանցի գրոսմայստերին
Կիև
Ուկրաինան հարվածել է Սմոլենսկի մերձակայքում պայթուցիկ նյութերի բաղադրիչների ռուսաստանյան խոշորագույն արտադրողներից մեկին
Իրան
Պենտագոնում Իրանի դեմ ԱՄՆ-ի գործողության ծախսերը գնահատել են 48 մլրդ դոլար
Զելենսկի
Զելենսկին Բեռլինում քննարկումներ է անցկացրել ԱՄՆ նախագահի բանագնացների հետ
Կիև
Կիևի ուղղությամբ ռուսական հարվածի հետևանքով վնասվել են Նիդերլանդների և Ավստրիայի դեսպանատները
Դռսկողմ
Միջուկային զենքը պետք է սահմանափակել, թեև դա իրագործելը հոգեբանորեն դժվար կլինի․ Թրամփ
Ալբերտ
«Հաղթանակ» զբոսայգում Ալբերտ Հովհաննիսյանի և զոհված մյուս հերոսների հիշատակին անկյուն կստեղծվի
Քուշներ
ԱՄՆ-ն մտադիր է Կիևի և Եվրոպայի հետ միասնական դիրքորոշում համաձայնեցնել խաղաղության հարցում. Քուշներ
Ֆիդան
Թուրքիայի և Ադրբեջանի նկատմամբ ՀՀ-ի կառուցողական մոտեցումը գոհացնող է. Ֆիդան
Իտալական
Հռոմում տեղի են ունեցել Հայաստան-Իտալիա երկկողմ պաշտպանական խորհրդակցություններ
Իրան
Իրանը ցուցադրել է մինչև 4500 կմ հեռահարության հրթիռների հնարավորությունները
Ալեն
Խաղաղության պայմանագիրը կստորագրվի ՀՀ Սահմանադրության փոփոխությունից հետո հաշված օրերի ընթացքում
Զելենսկի
Ռուսաստանը մերժել է հրադադարի բոլոր առաջարկները․ Զելենսկի
Թուրքիա
Թուրքիան մինչև 2035 թ. նախատեսում է ձեռք բերել նոր կործանիչներ
Ուկրաինա
Մեծ Բրիտանիան Ուկրաինային կփոխանցի ավելի քան 1000 հեռահար հարվածային անօդաչու թռչող սարք
ՆԳՆ
Ինչու է Արցախից տեղահանվածների փաստաթղթերում «ծննդյան վայր» դաշտում նշվում Ադրբեջան. ՆԳՆ պարզաբանումը
Նիկոլ
Եթե նոր Սահմանադրությունը հանրաքվեով չընդունվի, հրաժարական կտամ. Փաշինյանի առաջարկն ընդդիմությանը
Ալեն
Մեղավորը դեբիլ ֆիլմերն են ու «ստուկաչ» չլինելու բարքերը. Ալեն Սիմոնյանը՝ բանակում մահերի մասին
Մարգարա
Հայաստանը թուրքական կողմի հետ նախատեսում է երկրորդ կամուրջ կառուցել Մարգարայի հատվածում. Միրզոյան
Պուտին
Դեկտեմբերի 3-ին նախատեսված է հանդիպում Պուտինի հետ. Փաշինյան
Թրամփ
Թրամփը խոստացել է շուտով ավարտել Իրանի հետ հակամարտությունը
Միրզոյան
Անհայտ կորած անձանց հարցում առաջնային կարևորություն ունի Ադրբեջանի հետ համագործակցությունը․ Արարատ Միրզոյան
Գերեզման
Ակնկալում ենք, որ Հայաստանը կհրապարակի ավելի քան 200 զանգվածային գերեզմանների տեղակայման վայրերը․ Հաջիև
Թուրք
Թուրքիայում ընդդիմադիր 9 գործիչ դատապարտվել է ազատազրկման
Մայամի
Հայաստանը հրավիրվել է ԱՄՆ-ում սպասվող G20 գագաթնաժողովին
Ալեն
Ալեն Սիմոնյանը դեկտեմբերին կմեկնի Ադրբեջան