Ղազախստանը թույլ չի տա իր տարածքն օգտագործել հակառուսական պատժամիջոցները շրջանցելու համար
«Ղազախստանը թույլ չի տա իր տարածքն օգտագործել հակառուսական պատժամիջոցները միտումնավոր շրջանցելու համար»,- այս մասին հայտարարել է Ղազախստանի արտաքին գործերի նախարարության պաշտոնական ներկայացուցիչ Այբեկ Սմեդյարովը։
«Ղազախական ոչ մի ընկերություն չի հայտնվել պատժամիջոցների տակ։ Եվ մենք, իհարկե, թույլ չենք տա, որ մեր տարածքը միտումնավոր շրջանցվի պատժամիջոցներով»,- լրագրողներին ասել է Այբեկ Սմեդյարովը՝ ի պատասխան Ղազախստանի կողմից հակառուսական պատժամիջոցների խախտման մասին ԱՄՆ ներկայացուցիչների հայտարարությունները մեկնաբանելու խնդրանքին։
«Եթե նման փաստեր լինեին, ապա պատժամիջոցներն արդեն կիրառված կլինեին»,- ընդգծել է ԱԳՆ ներկայացուցիչը։
Նրա խոսքով՝ անցյալ շաբաթ Ղազախստան այցելած ԵՄ-ի և ԱՄՆ-ի ներկայացուցիչները եկել են Ղազախստանի պետական մարմինների ներկայացուցիչների համար վերապատրաստման սեմինարներ անցկացնելու։
«Մեր ամերիկացի գործընկերները՝ եվրոպացիները, գալիս են պարզապես սեմինար անցկացնելու՝ վերապատրաստելու մեր պետական կառույցները, մեր գործարարներին սովորեցնելու, թե ինչպես վարվել, որպեսզի չհայտնվեն պատժամիջոցների տակ»,- ասել է նա։
Ավելացնել նոր մեկնաբանություն