Լեհաստանը ցանկանում է 96 «Apache» մարտական ուղղաթիռ գնել ԱՄՆ-ից

Լեհաստանը մտադիր է 96 «Apache» մարտական ​​ուղղաթիռ գնել ԱՄՆ-ից: Լեհական ռադիոյի եթերում նման հայտարարություն է արել Լեհաստանի փոխվարչապետ և ազգային պաշտպանության նախարար Մարիուշ Բլաշչակը։

Ավելի վաղ հաղորդվել էր, որ ԱՄՆ բանակը Լեհաստանին կտրամադրի ութ «Apache» ուղղաթիռ սեփական պաշարներից, իսկ մոտ ապագայում լեհ օդաչուները կսկսեն վերապատրաստվել այդ մեքենաների վրա։

«Մենք ցանկանում ենք հասնել այն բանին, որ լեհական զորքերը ստանան 96 այդպիսի ուղղաթիռ»,- ասել է Բլաշչակը։

Ավելի վաղ լեհ զինվորականները հայտարարել էին, որ ցանկանում են առաջին հերթին «Apache» ուղղաթիռներով համալրել երկրի արևելքում տեղակայված 18-րդ մեխանիզացված դիվիզիան։