Չինաստանը նավատորմի շտապօգնության նավ կուղարկի Խաղաղ օվկիանոսի հարավ
Չինաստանը նավատորմի «Խաղաղության տապան» շտապօգնության նավը շրջագայության է ուղարկում Խաղաղ օվկիանոս տարածաշրջանում ազդեցության համար՝ Միացյալ Նահանգների և նրա դաշնակիցների հետ աճող դիմակայության պայմաններում։
Ավելի քան 14 տոննա կշռող նավը կհասնի Կիրիբատի, Տոնգա, Վանուատու, Սողոմոնի կղզիներ և Արևելյան Թիմոր՝ բժշկական օգնություն ցուցաբերելով Չինաստանի քաղաքացիներին, ինչպես նաև տեղի բնակիչներին, ասվում է կիրակի ուշ երեկոյան Պաշտպանության նախարարության տարածած հայտարարության մեջ:
«Դրա նպատակն է մեր՝ որպես պատասխանատու երկրի կերպարը ներկայացնելը»,- ասել է նավատորմի խոսնակ Լյու Վենշենգը:
Սպիտակ ներկված, կողքերը կարմիր խաչերով պատված նավի կլինիկական և օժանդակ 16 տարբեր բաժանմունքում աշխատում է ավելի քան 100 բուժաշխատող և կարող է միաժամանակ սպասարկել մինչև 1000 հիվանդի:
Ըստ չինական պետական «China Daily»-ի՝ նավում տեղակայված են բազմաթիվ վիրահատարաններ, բուժքույրական կայաններ, ինչպես նաև արյան փոխներարկման կայան։
Պեկինը վերջին տարիներին ավելի սերտ կապեր է հաստատում Խաղաղ օվկիանոսի երկրների հետ, որոնցից մի քանիսը ժամանակին պաշտոնական դիվանագիտական կապեր են ունեցել Թայվանի հետ՝ անհանգստություն առաջացնելով ԱՄՆ-ում, Ավստրալիայում և Նոր Զելանդիայում, ինչպես նաև այլ երկրների ներսում:
Ավելացնել նոր մեկնաբանություն