Եգիպտոսը կստանա արդիականացված «F-15» կործանիչներ՝ ռուսական «Սու-35» գործարքից հրաժարվելու դիմաց.
Ստոկհոլմի Խաղաղության միջազգային հետազոտությունների ինստիտուտը (SIPRI) իր նոր հրապարակված զեկույցում նշում է, որ Եգիպտոսը, որը Ռուսաստանից զենքի երկրորդ գնորդն է, «չեղարկել է 2022 թվականին Մոսկվայի հետ կործանիչներ ձեռք բերելու մեծ պատվերը»:
Չի նշվում, թե որ ինքնաթիռն է պատրաստվում գնել Կահիրեն, սակայն հայտնի է, որ Եգիպտոսը մեծ հետաքրքրություն ունի Սուխոյ Սու-35-ի նկատմամբ։
ԱՄՆ-ն բացահայտորեն իր անհանգստությունն է հայտնել Սու-35-ով Եգիպտոսի հետաքրքրության վերաբերյալ։ Խնդիրը բարձրացվել է, երբ պետքարտուղար Անտոնի Բլինկենը հեռախոսազրույց է ունեցել Եգիպտոսի արտգործնախարար Սամեհ Շուկրիի հետ 2021 թվականի փետրվարին: Բլինկենը Շուկրիին ասել է, որ Միացյալ Նահանգները ուշադիր ուսումնասիրում է 24 Սու-35 գնելու եգիպտական ծրագրերը, որոնց պայմանագիրը կազմում է 2 միլիարդ դոլար։ Իսրայելը նաև հավանություն է տվել ԱՄՆ-ի կողմից Եգիպտոսին F-15 Advanced Eagle կործանիչների վաճառքին։
Ավելացնել նոր մեկնաբանություն