Լիբանանում Իսրայելի հարվածի հետևանքով զոհվել է «Հիզբոլլահի» ստորաբաժանման հրամանատարը

Լիբանանում Իսրայելի հարվածի հետևանքով զոհվել է «Հիզբոլլահ» կազմակերպության «Ռադվան» ստորաբաժանման բարձրաստիճան հրամանատարը։

Այս մասին հաղորդում է «Reuters» գործակալությունը:

Ըստ տեղեկության՝ Իսրայելը գրոհել է Լիբանանի հարավի վրա։

Նշենք, որ հոկտեմբերի 7-ից Լիբանանում «Հիզբոլլահի» ավելի քան 130 անդամ է զոհվել:

«Հիզբոլլահ» կազմակերպությունը հաստատել է իր «Ռադվան» ստորաբաժանման հրամանատարի մահվան լուրը։

Այս մասին կազմակերպությունը գրել է X-ում հրապարակված հաղորդագրության մեջ և ցավակցություն հայտնել Վիսամ Հասան Թավիլի մահվան կապակցությամբ։

Հրամանատարն առանցքային դեր է խաղացել հարավային Լիբանանում ռազմական գործողությունները ղեկավարելու գործում, որտեղից «Հիզբոլլահը» հարձակումներ է գործում Իսրայելի վրա։