ԱՄՆ-ն ռազմական պաշար է կուտակել Թայվանի հնարավոր պատերազմի համար

«Reuters» լրատվական գործակալությանը տված հարցազրույցում ԱՄՆ պաշտոնյաները հայտնել են, որ ռազմական տեխնիկան քողարկվել է անցյալ հուլիսին և օգոստոսին՝ «Թալիսման Սաբիր» զորավարժությունների ժամանակ: Զորավարժությունները, որոնք անցկացվել են Ավստրալիայում և շրջակայքում, ներգրավել են ավելի քան 34․000 զինծառայող 13 երկրից և կենտրոնացել են մարտական պատրաստության ու նյութատեխնիկական կարողությունների բարձրացման վրա:

Զորավարժությունների սարքավորումները ներառել են 330 տրանսպորտային միջոցներ ու կցանքներ և 130 կոնտեյներ, որոնք պահվում էին Ավստրալիայի հարավարևելյան մասում: Այն հավելում է, որ հակամարտության դեպքում դա բավարար կլինի մոտ երեք լոգիստիկ ընկերության համար՝ նախատեսված 500 և ավելի զինվորների տեղափոխության համար: Որպես այլընտրանք՝ սարքավորումները կարող են օգտագործվել ապագա զորավարժությունների ժամանակ կամ հնարավոր բնական աղետի դեմ պայքարելու համար:

Բազմաթիվ պաշտոնյաներ, որոնց հետ զրուցել է լրատվական գործակալությունը, նշել են նյութատեխնիկական ապահովումը որպես թույլ կետ ԱՄՆ-ի բանակում, որը Չինաստանը կարող է օգտագործել հակամարտության դեպքում՝ պոտենցիալ ռմբակոծելով վառելիքով լիցքավորվող նավերը և ավիավառելիքի պահեստները:

ԱՄՆ-ում Չինաստանի դեսպանատունը ուղղակիորեն չի մեկնաբանել զեկույցը, սակայն «Reuters»-ին ասել է, որ Վաշինգտոնը պետք է «դադարեցնի ռազմական կապի ուժեղացումը Թայվանի տարածաշրջանի հետ» և «դադարեցնի գործոններ ստեղծել, որոնք կարող են ուժեղացնել լարվածությունը Թայվանում»: