ՌԴ-ն և Հյուսիսային Կորեան սկսում են Համապարփակ ռազմավարական գործընկերության պայմանագրի իրականացման աշխատանքը

Ռուսաստանը  և Հյուսիսային Կորեան չեն պատրաստվում սահմանափակվել ձեռք բերածով և սկսում են Համապարփակ ռազմավարական գործընկերության նոր պայմանագրի իրականացման բոլոր կետերի իրականացման աշխատանքը, «ՌԻԱ Նովոստի»-ին հայտնել է Հյուսիսային Կորեայում ՌԴ դեսպան Ալեքսանդր Մացեգորան։

«Մենք չենք սահմանափակվի ձեռք բերվածով։ Այժմ նոր շրջան է սկսվել, երբ մեկնարկում է պայմանագրի բոլոր կետերի իրականացման աշխատանքը։ Մենք պատրաստ ենք դրան։ Մեր կորեացի բարեկամները, հասկանալի է, նույնպես։ Ամեն բան դեռ առջևում է»,- ասել է դեսպանը։

Ռուսաստանը և Հյուսիսային Կորեան հունիսի 18-19-ին  ՌԴ նախագահ Վլադիմիր Պուտինի` Փհենյան կատարած այցի ընթացքում կնքել են համագործակցության միջկառավարական համաձայնագիր առողջապահության, բժշկական կրթության և գիտության ոլորտում, համաձայնագիր սահմանային ավտոկամրջի կառուցման մասին Տումաննայա գետի վրայով, ինչպես նաև Համապարփակ ռազմավարական գործընկերության նոր պայմանագիր։ Վերջին փաստաթուղթը փոխարինելու է ՌԴ-ի և Հյուսիսային Կորեայի միջև 2000 թ. փետրվարի 9-ի բարեկամության, բարիդրացիության և համագործակցության բազային պայմանագրին։ Նոր պայմանագիրը լինելու է անժամկետ, այն պետք է վավերացվի և ուժի մեջ մտնի վավերացման փաստաթղթերի փոխանակման օրվանից։

Աղբյուրը՝ «News.am»