Որպեսզի մեկ հոգին 2 տարի չծառայի, իր տեղն առնվազն 22 պահեստազորային է կանչվելու 25-օրյա հավաքների
Որպեսզի մեկ հոգին 2 տարի չծառայի, իր տեղն առնավազն 22 պահեստազորային է կանչվելու 25 օրյա հավաքների։ Այս մասին իր ֆեյսբուքյան էջում գրել է ռազմական փորձագետ Կարեն Վրթանեսյանը:
«Այսպես եմ հաշվում.
- Պահեստազորի 25 օրյա հավաքի մասնակիցը 2 շաբաթն է մարտական հերթապահություն իրականացնում։
- Իսկ պարտադիր ծառայություն անցնողն իր 2 տարվա ժամկետից տեսականորեն 3 ամիս պետք է պատրաստություն անցնի և էլի տեսականորեն 2 շաբաթանոց հերթափոխով էլ մարտական հերթապահության գնա (իրականում հաճախ ավելի երկար են մնում դիրքերում)։ Այսինքն ամբողջ ծառայության ընթացքում առնվազն մոտ 45 շաբաթը մարտական հերթապահությունն է։
- 45 շաբաթը 2 շաբաթանոց հերթափոխերով անում է 22.5, հաշվենք՝ 22 պահեստազորային։ Որոնց 25 օրով կտրելու են ընտանիքից և գործից։
Եթե հաշվարկումս սխալ գտնեք, ասե՛ք, ուղղեմ»,- գրել է նա։
Ավելացնել նոր մեկնաբանություն