Ռուսաստանը և Ուկրաինան մեկը մյուսի վրա տասնյակ ԱԹՍ-ներ են արձակել. կան վիրավորներ
Ռուսաստանի և Ուկրաինայի զինված ուժերը գիշերը անօդաչու թռչող սարքերով զանվածային հարվածներ են հասցրել մեկը մյուսի տարածքին։ Երկու կողմերում էլ կան վիրավորներ։
ՌԴ պաշտպանության նախարարությունը հաղորդել է, որ Ռուսաստանի հակաօդային պաշտպանության համակարգերը որսացել են ուկրաինական 93 անօդաչու թռչող սարք, որոնց մեծ մասը՝ 87-ը, Կուրսկի մարզի երկնքում։
Եվս չորս ԱԹՍ խոցել է Ռոստովի մարզի, երկուսը՝ Բելգորոդի մարզի երկնքում։ Զոհերի և ավերածությունների մասին ռազմական գերատեսչությունը չի հայտնում։
Ավելի վաղ Ռոստովի մարզի իշխանությունները հայտնել էին, որ ԱԹՍ-ների հարվածի տակ է հայտնվել Տագանրոգ քաղաքը։ Վնասվել է երկու բնակելի բազմահարկ շենք։
Նախնական տվյալներով՝ տուժել է 2 մարդ, զոհեր և վիրավորներ չկան։
Իր հերթին Ուկրաինայի արտակարգ իրավիճակների պետական ծառայությունը հայտնել է, որ գիշերը Խարկովը ռուսական ուժերի կողմից ենթարկվել է ԱԹՍ-ների զանգվածային գրոհի։
Հարվածների են ենթարկվել երկու քաղաքացիական ձեռնարկություն, բռնկվել են հրդեհներ։ Տուժել է 8 մարդ, այդ թվում՝ 3 երեխա։ Վնասվել են նաև մերձակայքում գտնվող բնակելի տները։ Ըստ գերատեսչության՝ հարձակման հետևանքների վերացումը դեռ շարունակվում է։ Իսկ ապրիլի 1-ին Զապորոժիեի մարզում ռուսական հարվածների հետևանքով 1 մարդ էր զոհվել։
Ավելացնել նոր մեկնաբանություն