Սիրիայի ԱԳՆ ղեկավարը Արցախի օկուպացիան անվանել է «կարևոր իրադարձություն տարածաշրջանում խաղաղության հաստատման համար»
Սիրիայի ԱԳ նախարար Ասադ Հասան ալ-Շիբանին Ադրբեջանի փոխարտգործնախարար Յալչին Ռաֆիևի հետ հանդիպմանը Ադրբեջանի կողմից Արցախի բռնազավթումն անվանել է «կարևոր իրադարձություն՝ տարածաշրջանում և ամբողջ աշխարհում խաղաղության հաստատման համար», հաղորդում են ադրբեջանական լրատվամիջոցները։
Հաղորդվում է, որ այս առիթով Ալ-Շիբանին շնորհավորել է ադրբեջանական ժողովրդին ու ղեկավարությանը։
Ադրբեջանի նախագահ Իլհամ Ալիևին «մարտական առաջնորդ» անվանելով՝ ալ-Շիբանին Արցախի օկուպացիան համեմատել է Սիրիայում թուրքամետ խմբավորման իշխանության գալու հետ՝ չմոռանալով խոսել «հարևան պետությունների հետ խաղաղ գոյակցության» մասին, բայց բարեհաջող կերպով մոռանալով իրենց հինավուրց հողից հարյուր հազարավոր վտարված արցախահայերի և Ադրբեջանի ահռելի տարածքային ախորժակի մասին։
Ավելացնել նոր մեկնաբանություն