Թրամփը կարծում է, որ Իրանը համաձայն է ԱՄՆ-ի հետ ուղիղ բանակցությունների
ԱՄՆ նախագահ Դոնալդ Թրամփը կարծիք է հայտնել, որ Իրանի իշխանությունները համաձայն են ԱՄՆ-ի հետ միջուկային ծրագրի շուրջ ուղիղ բանակցություններ վարել:
Այս մասին Թրամփն ասել է նախագահական ինքնաթիռում լրագրողների հետ զրույցում՝ չնայած Իրանը բազմիցս հայտարարել է, որ ԱՄՆ-ի հետ միայն անուղղակի բանակցություններ կվարի:
«Կարծում եմ, որ նրանք այժմ ցանկանում են ուղիղ բանակցություններ վարել»,- ասել է նա:
Թրամփն ընդգծել է, որ ուղղակի բանակցություններն ավելի հաջող տարբերակ է համարում, քան միջնորդների միջոցով շփումները։
«Սա ավելի արագ և ավելի լավ պատկերացում է տալիս կողմերի դիրքորոշումների մասին»,- նշել է ԱՄՆ նախագահը։
Ավելացնել նոր մեկնաբանություն