«Թրամփի ուղին» կապահովի անարգել անցում «Զանգեզուրի միջանցքով»․ Ալիև
2020 թվականի նոյեմբերի 10-ը պատմության մեջ մտավ որպես Ադրբեջանի տարածքային ամբողջականության վերականգնման օր։
Report-ի փոխանցմամբ՝ այս մասին հայտարարել է Ադրբեջանի նախագահ Իլհամ Ալիևը ՄԱԿ-ի Գլխավոր ասամբլեայի 80-րդ նստաշրջանի իր ելույթում։
Բաքվի բռնապետը նշել է, որ իրենք հաղթանակ են տարել և պատերազմում, և խաղաղության գործընթացում` իբրև թե վերականգնելով պատմական արդարությունը և Ադրբեջանի տարածքային ամբողջականությունը։
Իր ելույթում Ալիևն անդրադարձել է օգոստոսի 8-ին Վաշինգտոնում նախաստորագրված խաղաղության հռչակագրին:
«Տարածաշրջանային կապը կազմում է մեր տեսլականի հիմքը՝ երկարատև խաղաղության համար: Վաշինգտոնյան գագաթնաժողովի կարևոր արդյունքներից մեկը Թրամփի միջազգային խաղաղության և բարգավաճման ուղին է (TRIPP), որը կապահովի անարգել անցում «Զանգեզուրի միջանցքով» և կամրապնդի տարածաշրջանային կապերը»,- նշել է նա:
Ավելացնել նոր մեկնաբանություն