Իրանի ԱԳ նախարարը և ՀԱՄԱՍ-ի քաղբյուրոյի ղեկավարը Թեհրանում բանակցել են
Պաղեստինի իսլամական դիմադրության շարժման (ՀԱՄԱՍ) քաղբյուրոյի ղեկավար Իսմայիլ Հանիեն նախօրեին ժամանել է Թեհրան և հանդիպել Իրանի արտաքին գործերի նախարար Հոսեյն Ամիր Աբդոլլահիանի հետ։ Ըստ «Դետք»-ի՝ տեղեկությունը հայտնում է իրանական կառավարամետ «Mehr» լրատվական գործակալությունը։
Հաղորդվում է, որ հանդիպման ժամանակ կողմերը քննարկել են Գազայում տեղի ունեցող զարգացումները։
Հանիեն ընդգծել է, որ պաղեստինցիների դեմ սիոնիստական ռեժիմի ցեղասպանության ու ռազմական ագրեսիայի մեկնարկից հետո նախորդ 6 ամսվա ընթացքում Իրանն օգտագործել է իր դիվանագիտական ողջ ուժը պատերազմը դադարեցնելու և Գազայի ժողովրդին մարդասիրական օգնություն ուղարկելու համար:
Հանիեի այցը Թեհրան տեղի է ունեցել ՄԱԿ-ի անվտանգության խորհրդի կողմից Գազայում կրակի անհապաղ դադարեցման անհրաժեշտության մասին բանաձևի ընդունումից մեկ օր անց։
Այցի վերաբերյալ այլ մանրամասներ չեն հաղորդվում։
#Դետքի_հետագծով
Գազայում հակամարտության մեկնարկից ի վեր Իրանն աջակցում է Պաղեստինի իսլամական դիմադրության շարժմանը, որը պայքարում է անկախ պաղեստինյան պետություն ձևավորելու համար։ Այս համատեքստում Հանիեի այցը Թեհրան կարևոր նշանակություն ունի, որը միևնույն ժամանակ Թեհրանի ռազմաքաղաքական աջակցության ցուցանիշն է։
Ավելացնել նոր մեկնաբանություն