Ադրբեջանը՝ Հայաստանի Սահմանադրության փոփոխության մասին
Ադրբեջանի նախագահի հատուկ հանձնարարությունների գծով ներկայացուցիչ Էլչին Էմիրբեյովը հարցազրույց է տվել «The Korea Times»-ին։
Նա ընդգծել է կորեա-ադրբեջանական հարաբերությունների ռազմավարական նշանակությունը և խոսել էներգետիկայի, առևտրի ու տարածաշրջանային անվտանգության ոլորտներում համագործակցության ընդլայնման ներուժի մասին։
Կորեայի հետ տարածաշրջանային անվտանգության հարցերի համատեքստում Էմիրբեյովն անդրադարձել է հայ-ադրբեջանական բանակցություններին:
«Մենք շատ մոտ ենք Հայաստանի հետ խաղաղության պայմանագրի ստորագրմանը, բայց պետք է ապահովենք, որ խաղաղությունը կայուն լինի: Մնացած խոչընդոտը Հայաստանի սահմանադրական տարածքային պահանջն է Ադրբեջանի մի մասի նկատմամբ: Դրա լուծումից հետո մենք կարող ենք առաջ շարժվել»,- ասել է նա։
Ադրբեջանը շարունակում է պահանջներ ներկայացնել ՀՀ Սահմանադրության կետերի վերաբերյալ։
Ավելացնել նոր մեկնաբանություն