ՀՀ Սահմանադրությունը պետք է փոխվի. Ալիև
Ադրբեջանի նախագահ Իլհամ Ալիևն օգոստոսի 30-ին, ընդունելով Թուրքիայի Ազգային մեծ ժողովի անդամների պատվիրակությանը՝ ադրբեջանա-թուրքական միջխորհրդարանական բարեկամության խմբի ղեկավար Շամիլ Այրիմի գլխավորությամբ, անդրադարձել է տարածաշրջանային իրավիճակին:
Այս մասին հայտնում է ադրբեջանական APA լրատվական գործակալությունը։
Ալիևը հայտարարել է, թե իբրև Ադրբեջանը հանդես է գալիս տարածաշրջանում կայուն խաղաղության ապահովման օգտին:
Նրա խոսքով` «Հայաստանի Սահմանադրությունում պետք է վերացվեն Ադրբեջանի նկատմամբ տարածքային պահանջները, և Սահմանադրությունը պետք է փոփոխվի»:
Բաքվի բռնապետը նաև նշել է, որ Հայաստանը միտումնավոր երկարացնում է ժամկետները, նոր զենք է գնում, երրորդ կողմերի հետ զորավարժություններ է անցկացնում իր տարածքում։
Ավելացնել նոր մեկնաբանություն