Ադրբեջանը և Իտալիան քննարկել են ռազմական համագործակցությունը
Սեպտեմբերի 2-ին Ադրբեջանի պաշտպանության նախարար Զաքիր Հասանովը հանդիպել Իտալիայի արտակարգ և լիազոր դեսպան Լուկա դի Ջանֆրանչեսկոյի հետ։
Այս մասին ադրբեջանական «Report» կայքին հայտնել են Ադրբեջանի պաշտպանության նախարարությունից։
Պաշտպանության նախարարն ասել է, որ Ադրբեջանի և Իտալիայի երկկողմ հարաբերություններն առանձնահատուկ բնույթ ունեն ինչպես ռազմական, այնպես էլ այլ ոլորտներում, և դա կնպաստի երկու երկրների բանակների զարգացմանը։
Նշվել է, որ Ադրբեջանի և Իտալիայի միջև ռազմական ոլորտում 2024-2025 թվականների ընթացքում նախատեսված 31 միջոցառումներից մի քանիսն իրականացվել են։
Հանդիպմանը մասնակցել է նաև Ադրբեջանում Իտալիայի ռազմական կցորդ Ջանֆրանկո Վիզին։ Կողմերը քննարկել են ռազմական ոլորտում համագործակցության զարգացման հեռանկարները։
Ավելացնել նոր մեկնաբանություն