Եգիպտոսի և Թուրքիայի միջև կայացել է բարձր մակարդակի ռազմավարական համագործակցության խորհրդի նիստ
Եգիպտոսի նախագահ Աբդելֆաթահ աս-Սիսին Էրդողանի հրավերով պաշտոնական այցով Անկարայում է։ Էրդողանի և Սիսիի երկկողմ հանդիպումից հետո կայացել է բարձր մակարդակի ռազմավարական համագործակցության խորհրդի նիստ, այնուհետև տեղի են ունեցել համաձայնագրերի ստորագրման արարողությունը (17 համաձայնագիր) և համատեղ մամուլի ասուլիսը։
Այս մասին հայտնել է թուրքական «Haber turk» կայքը։
Եգիպտոսի նախագահ Սիսին X սոցցանցում նշել է, որ Թուրքիայի և Եգիպտոսի համագործակցությունն արդարացնում է երկու երկրների եղբայրական ժողովուրդների ակնկալիքները՝ ելնելով տարածաշրջանային ու միջազգային ասպարեզում նրանց կարևոր դերից։
Հանդիպմանը քննարկվել են Գազայում հակամարտությունը, Իսրայելի քաղաքականությունը և տարածաշրջանային այլ հարցեր։
Հիշեցնենք, որ Էրդողանի՝ 2024 թվականի փետրվարի 14-ին Եգիպտոսի մայրաքաղաք Կահիրե կատարած այցով Անկարայի և Կահիրեի հարաբերություններում նոր էջ բացվեց։ Դա առաջին այցն էր 12 տարվա մեջ։
Ավելացնել նոր մեկնաբանություն