Արցախցիների իրավունքների համար պայքարը դադարեցնելը 1 հոգու որոշելու հարց չէ. Արցախի ԱԺ նախագահ
Մեկ մարդու կամ այսօրվա իշխանությունների որոշելիքը չէ մեր պայքարի դադարեցնելը: Այս մասին այսօր՝ Եռաբլուրում, լրագրողների հետ զրույցի ընթացքում ասել է Արցախի ԱԺ նախագահի ժամանակավոր պաշտոնակատար Աշոտ Դանիելյանը։
«Մեր իրավունքների պայքարը շարունակվում է: Մենք տեսնում ենք, որ Հայաստանի Հանրապետությունում մարդիկ անհաշտ են Արցախի կորստի մտքի հետ, ու այս հարցում մենք մենակ չենք:
Կարծում եմ, որ Հայաստանում լինելով ազգային իշխանություններ, այս բոլոր հարցերն ու մտահոգությունները կվերանան»,- նշել է նա:
Նշենք, որ Արցախյան շարժման 38–րդ ամյակի առթիվ Եռաբլուր են այցելել են Արցախի և Հայաստանի պաշտոնյաներ, պատգամավորներ, հասարակ քաղաքացիներ:
Ավելացնել նոր մեկնաբանություն