Գերմանական բանակը մինչև 2029 թվականը կտրուկ կավելացնի ԱԹՍ-ների քանակը

Բունդեսվերը նախատեսում է 600-ից մի փոքր ավելիի հասնող անօդաչու թռչող սարքերի քանակը հասցնել 8000-ի։ Այս մասին, ըստ «Դետքի», հաղորդում է Armiya.az-ը՝ savunmahatti-ին հղումով:

Այս քայլը համարվում է Բունդեսվերի մարտունակության վերջին տարիների ամենամեծ ամրապնդումներից մեկը և վկայում է, որ անօդաչու թռչող սարքերը կենտրոնական դեր կխաղան ապագա օպերատիվ և օժանդակ գործողություններում։

Նախատեսվում է գնել նանոդրոններից մինչև թափառող զինամթերք, մասնավորապես  1200 նանոդրոն՝ քաղաքային միջավայրերում, խիտ անտառներում և դժվարանցանելի տեղանքում մոտիկից հետախուզության համար, 3028 մինի-անօդաչու թռչող սարք՝ մոտիկից հսկողության համար և մոտ 800 ռելեային անօդաչու թռչող սարք՝ ստորաբաժանումների միջև կապը բարելավելու համար։

Անօդաչու թռչող սարքերի ոլորտում պաշտոնական ռազմավարությունը, որն ընդունել է երկրի պաշտպանության նախարարությունը, նպատակ ունի արագորեն ներդնելու տեխնոլոգիական նորարարությունները զինանոցում՝ շարունակական գնումների և ճկուն պայմանագրերի միջոցով։

Ծրագիրը կներառի, գործող նավատորմից բացի, 20-40% պահուստի ստեղծում, ինչը հնարավորություն կտա արագորեն փոխարինելու կորուստները ինտենսիվ հակամարտության ժամանակահատվածներում։

Այսկերպ Բունդեսվերը ձգտում է ամրապնդել ՆԱՏՕ-ի զսպման ներուժը արևելյան թևում և մեծացնել բարձր սպառնալիքի միջավայրում ինքնուրույն գործելու սեփական կարողությունը։