Գերմանիայի կանցլերը չի բացառել կանանց համար պարտադիր զինվորական ծառայությունը
Գերմանիայի կանցլեր Ֆրիդրիխ Մերցը չի բացառում ապագայում զինվորական ծառայության վերադառնալու հնարավորությունը, և դա կարող է ազդել նաև կանանց վրա, հաղորդում է Der Spiegel-ը։
Կառավարությունն այժմ ներդնում է կամավորության վրա հիմնված զինվորական ծառայության նոր մոդել։ Սակայն, եթե դա բավարար չլինի բանակի կարիքները բավարարելու համար, ապա անհրաժեշտ կլինի զորակոչին վերադառնալու մեխանիզմ։ Մերցը շեշտեց, որ չնայած սահմանադրության համաձայն կանանց այժմ չի կարելի զորակոչել, «մենք դեռ պետք է դա անենք»։ Նա խոստովանեց, որ 2011 թվականին զորակոչի վերացումը սխալ էր։
Կանցլերը Բունդեսվերի թվաքանակի անընդհատ ավելացման անհրաժեշտությունը բացատրեց Ռուսաստանից եկող սպառնալիքով։
Նրա խոսքով՝ Պուտինը ձգտում է վերականգնել Խորհրդային Միությունը, և սա իր առջև դրված նպատակներից մեկն է՝ նույնիսկ ժամանակակից գերմանական տարածքների մի մասի հետ կապված։ Մերցի խոսքով՝ սա սպառնալիք է ներկայացնում ոչ այնքան սահմանների, որքան ժողովրդավարության համար, որը պետք է պաշտպանվի։
Նախարարների կաբինետը հաստատել է մի օրինագիծ, որն առաջարկում է բանակում զինվորների թիվը ավելացնել տասնյակ հազարներով, հիմնականում կամավորների միջոցով։ Սակայն որոշվել է, որ եթե կամավոր մոդելը բավարար չէ, ապա հնարավոր է վերադարձ զորակոչին։
Գերմանիայի սահմանադրության համաձայն՝ կանայք պաշտոնապես չեն կարող զորակոչվել զինվորական ծառայության։ Սակայն Մերցը կարծում է, որ այս սահմանափակումները պետք է վերանայվեն։
Ավելացնել նոր մեկնաբանություն