Գերմանիայի նախագահի գլխավորած պատվիրակությունն այցելել է Ծիծեռնակաբերդի հուշահամալիր
Գերմանիայի նախագահ Ֆրանկ Վալտեր-Շտայնմայերն այցելել է Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության զոհերի հիշատակին։
«Արմենպրես»-ի փոխանցմամբ՝ Գերմանիայի նախագահը ծաղկեպսակ է դրել հուշահամալիրի մոտ, ծաղիկներ խոնարհել Ցեղասպանության զոհերի հիշատակը հավերժացնող անմար կրակի մոտ։
Գերմանիայի նախագահին ուղեկցել է ՀՀ էկոնոմիկայի նախարար Գևորգ Պապոյանը։
Հիշեցնենք, որ Գերմանիայի նախագահ Ֆրանկ Վալտեր-Շտայնմայերը աշխատանքային այցով երեկ ժամանել է Հայաստան։ Նախատեսված է նաև նրա աշխատանքային այցը Ադրբեջան։
Ավելացնել նոր մեկնաբանություն