Հայաստանը վերացնելու է դեպի Ադրբեջան բեռների տարանցման սահմանափակումները․ Փաշինյան
Հայաստանը վերացնում է դեպի Ադրբեջան բեռների տարանցման սահմանափակումները։ Այս մասին Ազգային Ժողովի մշտական հանձնաժողովների համատեղ նիստում «ՀՀ 2026 թ. պետական բյուջեի մասին» օրենքի նախագծի քննարկման ընթացքում հայտարարել է ՀՀ վարչապետ Նիկոլ Փաշինյանը։
«Հայաստանը ևս վերացնելու է դեպի Ադրբեջան բեռների տարանցման սահմանափակումները»,- ասել է Փաշինյանը։
Փաշինյանն անդրադարձել է Ադրբեջանի տարածքով ղազախական ցորենի խմբաքանակի տարանցմանը դեպի Հայաստան՝ նշելով, որ այն Հայաստան կբերվի երկաթուղային ճանապարհով:
«Դա տեղի է ունենալու Ադրբեջան-Վրաստան-Հայաստան երկաթուղային երթուղով»,- ասել է նա:
Հիշեցնենք, որ Ադրբեջանի նախագահ Իլհամ Ալիևը հոկտեմբերի 21-ին հայտարարել է, որ Ադրբեջանը վերացրել է իր տարածքով դեպի Հայաստան բեռների տարանցման բոլոր սահմանափակումները։
Ավելացնել նոր մեկնաբանություն