Հայաստանի և Ադրբեջանի միջև հաստատված խաղաղության գործում հիմնարար դերատակատարություն է ունեցել Ալմաթիի հռչակագիրը. Փաշինյան
ՀՀ վարչապետ Նիկոլ Փաշինյանը ելույթ է ունեցել Դուշանբեում անցկացվող ԱՊՀ մասնակից պետությունների ղեկավարների խորհրդի նիստում:
«Բավականությամբ եմ արձանագրում, որ երկարատև հակամարտությունից հետո Հայաստանի և Ադրբեջանի միջև հաստատվել է խաղաղություն, և այդ գործում հիմնարար դերատակատարություն է ունեցել Ալմաթիի հռչակագիրը»,- նշել է նա:
««Թրամփի երթուղին» թույլ կտա Հայաստանին երկաթուղային և այլ տրանսպորտային կապեր հաստատել Համագործակցության անդամ պետությունների հետ։ Սա կամրապնդի տնտեսական կապերն ԱՊՀ շրջանակներում և կբարձրացնի կազմակերպության արդյունավետությունը՝ բացելով արտահանման և ներմուծման նոր հնարավորություններ Համագործակցության համար»,- ընդգծել է Փաշինյանը:
Փաշինյանը շնորհակալություն հայտնեց ԱՊՀ ղեկավարներին Ադրբեջանի հետ խաղաղություն հաստատելու գործում ցուցաբերած օգնության համար
«...Դուք բոլորդ իսկապես ցանկանում էիք, որ սա տեղի ունենար, և այդպես էլ եղավ։ Խաղաղությունն այժմ իրականություն է, և ես շնորհավորում եմ մեզ բոլորիս այս առիթով և երախտագիտություն եմ հայտնում իմ ԱՊՀ գործընկերներին այս ընթացքում ցուցաբերած աջակցության համար», - ասաց նա Դուշանբեում կայացած ԱՊՀ գագաթնաժողովում։
ՀՀ վարչապետը հույս ունի մոտ ապագայում խաղաղության պայմանագիր կնքել Ադրբեջանի հետ, որից հետո անհրաժեշտ կլինի հաստատել տնտեսական, քաղաքական և մշակութային կապեր, ինչպես նաև լուծել մարդասիրական հարցեր։ Վարչապետը կարծում է, որ սա դժվար, բայց հասանելի խնդիր է։
Ավելացնել նոր մեկնաբանություն