Իսրայելական «Heron TP»-ն՝ ընդդեմ թուրքական «Bayraktar TB2»-ի. ԱԹՍ-ների մրցույթ Ճապոնիայում
Ճապոնիան գնահատում է Իսրայելի և Թուրքիայի հարթակները՝ իր անօդաչու թռչող սարքերի նավատորմը հզորացնելու համար։
Ինչպես հաղորդում է Armiya.az-ը՝ gdh-ին հղումով, այս քայլը ներկայացնում է երկրի հետախուզության, հսկողության և հետախուզական կարողությունների էական վերափոխում Արևմտյան Խաղաղ օվկիանոսում։
Իսրայելական Aerospace Industries (IAI) ընկերության արտադրած «Heron TP»-ն MALE դասի անօդաչու թռչող սարք է, որը կարող է օդում մնալ ավելի քան 45 ժամ, հասնել մոտ 10.000 մետր բարձրության և տեղափոխել մոտ 490 կիլոգրամ բեռ։
Էլեկտրոնային հետախուզության, ազդանշանային հետախուզության և էլեկտրոնային պատերազմի առաքելությունների համար նախատեսված առաջադեմ սենսորներով հագեցած ինքնաթիռը ունակ է բարելավելու Ճապոնիայի էլեկտրոնային պատերազմի և հեռահար հետախուզության հնարավորությունները տարածաշրջանում։
Թուրքական «Bayraktar TB2»-ը միջին բարձրության, թռիչքի երկար տևողությամբ անօդաչու թռչող սարք է՝ 55-150 կգ բեռնատարողությամբ։ Այն ապացուցել է իր արդյունավետությունը մարտավարական գործողություններում։ TB2-ը լայնորեն կիրառվում է տարբեր տարածաշրջաններում՝ Ուկրաինայից մինչև Հարավային Կովկաս, և իր ցածր լոգիստիկ պահանջներով հնարավորություն է տալիս արագ տեղակայվել ճգնաժամային գոտիներում։
Շահագործման ցածր ծախսերը, արագ տեղակայումը TB2-ը գրավիչ են դարձնում կղզիների շղթայով երկրների համար, ինչպիսին է Ճապոնիան։ Մասնավորապես, TB2-ի կարողությունը՝ թռիչք կատարելու փոքր թռիչքուղիներից և արագ արձագանքելու նեղուցներում և կղզիներում, ապահովում է ռազմավարական առավելություն։
Թարգմանությունը՝ «Դետքի»
Ավելացնել նոր մեկնաբանություն