Ղազախստանը և Ուզբեկստանը հակաահաբեկչական զորավարժություններ են սկսել

Ղազախստանի և Ուզբեկստանի ստորաբաժանումները համատեղ զորավարժություն են անցկացրել ահաբեկչական տարրերի դեմ։ 

Ղազախստանի պաշտպանության նախարարության հայտարարության համաձայն՝ երկու երկրների միջև անցկացվել է «Քանջար-2023» հատուկ գործողությունների զորավարժությունների երկրորդ փուլը։ 
Երկու երկրների պաշտպանության նախարարները հետևել են զորավարժություններին, որոնք անցկացվել են Ղազախստանի Մանգիստաու նահանգում՝ Կասպից ծովի ափին։ 
Զորավարժությունների սցենարի համաձայն՝ ղազախական և ուզբեկական զորամիավորումները համատեղ գործողություն են իրականացրել տարածաշրջանում գործող միջազգային ահաբեկչական կազմակերպության տարրերի դեմ։ 
Զորավարժությունների ընթացքում կիրառվել են «ՄԻ -8», «ՄԻ-35» ուղղաթիռներ, «SU-30SM» ինքնաթիռներ և «Skylark 1LEX» անօդաչու թռչող սարքեր, ինչպես նաև բազմաթիվ հետևակի մարտական մեքենաներ, հրետանային և հակաօդային համակարգեր, որոնք ուղղված են Կենտրոնական Ասիայի ռազմական անվտանգության ապահովմանը։ 
Նշենք, որ ամսվա սկզբին Ուզբեկստանում անցկացվել է համատեղ զորավարժությունների առաջին փուլը։