Երևանն առաջիկայում Բաքվին կհանձնի խաղաղության պայմանագրի նոր տարբերակը
Հայաստանի Անվտանգության խորհրդի քարտուղար Արմեն Գրիգորյանը լրագրողների հետ զրույցում հայտարարել է, որ Երևանը ներկայումս մշակում է Բաքվի հետ խաղաղ համաձայնագրի նախագծի նոր տարբերակը և մոտ ապագայում այն կհանձնի ադրբեջանական կողմին։
«Սա շարունակական գործընթաց է։ Այժմ հայկական կողմն աշխատում է, և մենք հնարավորինս շուտ տեքստը կհանձնենք ադրբեջանական կողմին»,- ասել է նա։
Ավելի վաղ Ադրբեջանի արտաքին գործերի նախարարությունը հայտարարել էր, որ Հայաստանը փորձում է շահարկել բանակցային գործընթացը։ Ադրբեջանի ԱԳՆ մամուլի ծառայության վարչության ղեկավար Այխան Հաջիզադեն ասել է, որ Երևանը «ձգտում է մոլորության մեջ գցել միջազգային հանրությանը` իրեն ներկայացնելով որպես կառուցողական կողմ»։
Ադրբեջանի ԱԳՆ-ն հայտարարել է, որ Բաքուն կողմ է բանակցությունների արագ անցկացմանը և միշտ պատրաստ է դրանց։
Ռուսաստանի արտգործնախարար Սերգեյ Լավրովն էլ իր ադրբեջանցի գործընկեր Ջեյհուն Բայրամովի հետ բանակցություններից հետո հայտարարել էր՝ Ռուսաստանի Դաշնությունը պատրաստ է բանակցություններ կազմակերպել Ադրբեջանի և Հայաստանի արտգործնախարարների միջև խաղաղության պայմանագրի նախագծի շուրջ։
Ավելացնել նոր մեկնաբանություն