Պատերազմի հավանականություն միշտ կա, սակայն ներկա պահին քիչ հավանական է. փորձագետ
Ժամեր առաջ թուրք-ադրբեջանական աղբյուրները սոցիալական տարբեր հարթակներում տեղեկություն են տարածել այն մասին, որ Նախիջևանի ադրբեջանական զորքերին «տագնապ» ազդանշանն է տրվել՝ «Պատրաստ եղիր պատերազմի» հրամանով:
Նշենք, որ Նախիջևանի ադրբեջանական ստորաբաժանումները հրամանատարաշտաբային զորավարժություններ են անցկացրել:
Ռազմական փորձագետ Սամվել Մովսիսյանը «Դետքի» հետ զրույցում, անդրադառնալով թեմային, նշել է՝ տվյալ պարագայում պատերազմի հավանականությունը քիչ է:
«Պատերազմի հավանականություն գրեթե միշտ կա, սակայն տվյալ դեպքում, կարծում եմ, խոսքը զորավարժության ընթացքում հնչած հրամանի մասին է»,- հավելել է փորձագետը:
Ավելացնել նոր մեկնաբանություն