Փաշինյանն ու Ալիևը հրավիրվել են մասնակցելու Շանհայի համագործակցության կազմակերպության գագաթնաժողովին
ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը հրավիրվել են մասնակցելու Շանհայի համագործակցության կազմակերպության գագաթնաժողովին։ Այս մասին հայտնում է Ռիա Նովոստին։
Ավելի քան 20 երկրի ղեկավարներ և 10 միջազգային կազմակերպությունների ղեկավարներ Չինաստանի Տյանցզին քաղաքում կմասնակցեն գագաթնաժողովին, որը տեղի կունենա օգոստոսի 31-ից սեպտեմբերի 1-ը:
ՉԺՀ արտաքին գործերի նախարարի օգնական Լյու Բինի խոսքով սա ՇՀԿ-ի հինգերորդ գագաթնաժողովն է Չինաստանում և «կազմակերպության հիմնադրումից ի վեր ամենամեծը»։
Ինչպես հավելեց Լյու Բինը, նախագահ Սի Ցզինպինը ողջույնի ճաշկերույթ կկազմակերպի մասնակից առաջնորդների և միջազգային կազմակերպությունների ղեկավարների համար, կանցկացնի մի շարք երկկողմ միջոցառումներ և կներկայացնի Չինաստանի և մասնակից երկրների միջև երկկողմ հարաբերությունների զարգացման ծրագրերը։
Ավելացնել նոր մեկնաբանություն