Պենտագոնը պայմանագիր է կնքել մի շարք երկրների համար հրթիռներ արտադրելու վերաբերյալ
ԱՄՆ պաշտպանության նախարարությունը հայտարարել է Raytheon ընկերության հետ 3,5 միլիարդ դոլարի մեծածավալ պայմանագրի ստորագրման մասին՝ կատարելագործված միջին հեռահարության «օդ-օդ» դասի հրթիռներ (AMRAAM) արտադրելու համար։
Պենտագոնի տարածած հաղորդագրության մեջ նշվում է, որ գործարքը նախատեսում է հրթիռների մատակարարումներ մի քանի երկրների, այդ թվում՝ Ճապոնիային, Կանադային, Գերմանիային, Մեծ Բրիտանիային, Ուկրաինային։
Հաղորդագրության մեջ նշվում է, որ պայմանագրի ստորագրումն «ընդգծում է պահպանվող համաշխարհային պահանջարկը մարտական պայմաններում փորձարկված AMRAAM հրթիռների նկատմամբ, որոնք ավելի քան 30 տարի օդում գերիշխող կարևոր զենք են»։
ԶԼՄ-ների տվյալներով՝ AMRAAM համակարգը ներկայում ինտեգրված է 14 հարթակներով և օգտագործվում է աշխարհի 44 երկրում՝ բարձր արդյունավետություն ցուցադրելով «օդ-օդ» և «երկիր-օդ» գործողություններում։
Ակտիվ հակամարտությունների գոտիներում դրա ապացուցված հնարավորությունները մեծացնում են դրա ռազմավարական նշանակությունը Միացյալ Նահանգների և դաշնակիցների պաշտպանական ուժերի համար։
Ավելացնել նոր մեկնաբանություն