Թուրքիան ուսումնասիրում է այն վարկածը, որ Վրաստանում կործանված ինքնաթիռը խոցել են. ԶԼՄ
Թուրքիայում փորձագետներն ուսումնասիրում են այն վարկածը, որի համաձայն` Վրաստանում կործանված ռազմական ինքնաթիռը կարող է խոցված լինել, հայտնել է կառավարամետ թուրքական «Hürriyet» թերթի կառավարական շրջանակների հետ սերտ կապեր ունեցող սյունակագիր Աբդուլքադիր Սելվին։
Թուրքիայի պաշտպանության նախարարությունն ավելի վաղ հայտնել էր, որ նոյեմբերի 11–ին Վրաստանի տարածքում կործանվել է «Lockheed C-130 Hercules» ռազմատրանսպորտային ինքնաթիռը, որի հետևանքով 20 զինվորական է զոհվել։ Անկարան համակարգում է որոնողափրկարարական գործողությունները Թբիլիսիի հետ։ Թուրքիայի նախագահ Ռեջեփ Թայիփ Էրդողանի վարչակազմը հայտարարել է, որ վթարի պատճառների հետաքննությունը կիրականացվի հատուկ մանրակրկտությամբ։
«Մեր ինքնաթիռը կործանվե՞լ է, թե՞ խոցվել։ Այս հարցի շուրջ մանրակրկիտ հետաքննություն է ընթանում։ Ուսումնասիրվում է ինչպես ինքնաթիռի անկման հավանականությունը, այնպես էլ այն խոցելու», –այսօր գրել է Սելվին իր սյունակում։
Նա նաև նշել է, որ Կովկասը «անհանգիստ տարածաշրջան» է։ Ուստի ուսումնասիրվում են հնարավոր բոլոր տարբերակները։
Ավելացնել նոր մեկնաբանություն