«Զանգեզուրի միջանցքը» առաջիկայում մայրցամաքները կապող կարևոր տրանսպորտային ուղու դեր է խաղալու․ Ալիև
Գտնվելով Արևելք-Արևմուտք և Հյուսիս-Հարավ միջանցքներում՝ Ադրբեջանը կդառնա Եվրասիայի ամենակարևոր տրանսպորտային և լոգիստիկ կենտրոններից մեկը։
Ինչպես հաղորդում է APA-ն, այս մասին ասել է Ադրբեջանի նախագահ Իլհամ Ալիևը՝ Ասիայում փոխգործակցության և վստահության ամրապնդման միջոցառումների համաժողովի (CICA) վերլուծական կենտրոնների ֆորումի 13-րդ հանդիպման մասնակիցներին ուղղված ուղերձում։
««Զանգեզուրի միջանցքը» (TRIPP), որպես Միջին միջանցքի երթուղիներից մեկը, առաջիկայում մայրցամաքները կապող կարևոր տրանսպորտային ուղու դեր է խաղալու»,- նշել է Ալիևը։
Խոսելով Խաղաղության պայմանագրի նախաստորագրումից` նա ասել է.
«Տարածաշրջանում մեր կողմից առաջ մղվող խաղաղության օրակարգը նոր հորիզոններ է բացում մեր արտաքին քաղաքականության համար: Անցյալ ամիս Ադրբեջանի և Հայաստանի միջև Խաղաղության համաձայնագրի նախաստորագրումը բարենպաստ հնարավորություններ է ստեղծում ոչ միայն տարածաշրջանի, այլև ավելի լայն աշխարհագրության համար»:
Ավելացնել նոր մեկնաբանություն