Ադրբեջան-Իրան ռազմական համագործակցության արձանագրություն է ստորագրվել
Ադրբեջանի ՊՆ պատվիրակությունը մեկնել է Թեհրան՝ մասնակցելու «Ադրբեջանի ՊՆ և Իրանի Իսլամական Հանրապետության ԶՈՒ գլխավոր շտաբի միջև ռազմական և ռազմատեխնիկական համագործակցության համատեղ հանձնաժողովի» նիստին:
Այս մասին հայտնել է Ադրբեջանի պաշտպանության նախարարությունը։
Այցի ընթացքում ադրբեջանական պատվիրակության ղեկավար, ռազմատեխնիկական աջակցության գլխավոր վարչության պետի պաշտոնակատար, գեներալ-մայոր Ֆարիդ Ալիևը հանդիպել է Իրանի զինված ուժերի գլխավոր շտաբի պետի առաջին տեղակալ, գեներալ-մայոր Մոհամմադրզա Աշտիանիի հետ։
Հանդիպմանը քննարկվել են երկու երկրների միջև ռազմական համագործակցության ներկա վիճակի և զարգացման հեռանկարների շուրջ հարցեր, մտքեր փոխանակվել Ադրբեջանի և Իրանի ռազմական կառույցների միջև ռազմական ոլորտում համագործակցության զարգացման հարցերի շուրջ:
Հանդիպման ավարտին ստորագրվել է համագործակցության ուղղությունների մասին հոդվածներ պարունակող արձանագրություն, որոնց շուրջ ձեռք է բերվել համաձայնություն:
Ավելացնել նոր մեկնաբանություն