Ադրբեջանցի զինվորականները Թուրքիայում մասնակցել են «Կապույտ կետ 2024» զորավարժություններին

Արևելյան Միջերկրական ծովում անցկացվել են Թուրքիայի զինված ուժերի կողմից կազմակերպված «Կապույտ կետ 2024» զորավարժությունները։

Այս մասին հայտնում է ադրբեջանական Report-ը՝ հղում անելով Ադրբեջանի պաշտպանության նախարարությանը։

Զորավարժություններին մասնակցում էին 13 երկրների 62 ռազմածովային և ռազմաօդային ուժեր, որոնք կատարել են ուսումնական առաջադրանքներ ՝ բարելավելով իրենց գիտելիքներն ու հմտությունները ստորջրյա պաշտպանական մարտերի և համատեղ ռազմածովային գործողությունների ոլորտում:

Ադրբեջանական բանակի  զինվորականների մի խումբ  դիտորդի կարգավիճակով մասնակցել է «Կապույտ կետ 2024» զորավարժություններին։