Արցախցիների իրավունքների պաշտպանության խորհուրդը «Արցախի ժողովրդավարական» և «Արդարություն» կուսակցությունների հետ քննարկել է հետագա գործողությունները
Արցախցիների իրավունքների պաշտպանության խորհուրդը հանդիպումներ է ունեցել «Արցախի ժողովրդավարական» և «Արդարություն» կուսակցությունների հետ: Հայտնում են Արցախցիների իրավունքների պաշտպանության խորհրդից:
«Արցախցիների իրավունքների պաշտպանության խորհրդի որոշ ներկայացուցիչներ ապրիլի 7-ին, հայտարարված լայն հանրային համախմբման շրջանակներում, Ազատության հրապարակում տեղակայված վրանում հանդիպում են ունեցել ԱՀ Ազգային ժողովում ներկայացված՝ «Արցախի ժողովրդավարական» և «Արդարություն» կուսակցությունների ղեկավարությունների հետ։
Հանդիպումների ընթացքում քննարկվել են արցախցիների իրավունքներին վերաբերող մի շարք օրակարգային հարցեր և դրանց լուծմանն ուղղված համատեղ անելիքների շրջանակը:
Քննարկումների մասնակիցները կարևորել են միասնականությունն ու համախմբումը՝ հետագա գործողությունների պլանավորման ու կազմակերպման հարցում»,- նշված է հաղորդագրության մեջ:
Ավելացնել նոր մեկնաբանություն