Չինաստանն առաջին անգամ շքերթի ժամանակ ցուցադրել է իր ռազմավարական միջուկային եռյակը
Չինաստանի Ժողովրդա-ազատագրական բանակը Տյանանմեն հրապարակում անցկացրեց լայնածավալ ռազմական շքերթ՝ նշելու Չինաստանի ժողովրդի դիմադրության պատերազմում ճապոնական ագրեսիայի դեմ և Համաշխարհային հակաֆաշիստական պատերազմում տարած հաղթանակի 80-ամյակը։
Պեկինում կայացած հանդիսավոր շքերթի ժամանակ առաջին անգամ ցուցադրել է երկրի ռազմավարական միջուկային եռյակը` ռազմավարական ցամաքային, ծովային և օդային ուժերը։
Այս մասին հաղորդում է ՏԱՍՍ-ի թղթակիցը։
Ցուցադրվել են «Ջինգլեյ-1» հեռահար ավիացիոն հրթիռը, «Ջուլանգ-3» սուզանավից արձակվող միջմայրցամաքային հրթիռը, ինչպես նաև «Դոնգֆենգ-61» և «Դոնգֆենգ-31» ցամաքային միջմայրցամաքային հրթիռները։
Ցուցադրվել է նաև ռազմավարական միջուկային միջմայրցամաքային DF-5C հրթիռը, որը խոցման շառավղով ընդգրկում է ամբողջ մոլորակը:
Միջոցառմանը ներկա էին Չինաստանի նախագահ Սի Ծինփինը, Ռուսաստանի նախագահ Վլադիմիր Պուտինը, ինչպես նաև 24 այլ երկրների պետությունների և կառավարությունների ղեկավարներ։
Ավելացնել նոր մեկնաբանություն