Կալլասը կոչ է արել ԵՄ երկրներին Ուկրաինային փոխանցել Patriot հակաօդային պաշտպանության համակարգեր
Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը կոչ է արել ԵՄ երկրներին Ուկրաինային փոխանցել իրենց զինանոցներում առկա՝ Patriot հակաօդային պաշտպանության համակարգերի համար նախատեսված հակահրթիռային հրթիռները։
Ինչպես հայտնում է APA-ն, այս մասին Կալլասը հայտարարել է սեպտեմբերի 28-ին՝ Բրյուսելում ԵՄ անդամ երկրների պաշտպանության նախարարների հանդիպմանը մեկնելու ճանապարհին լրագրողների հետ զրույցում։
Հանդիպման օրակարգում ներառված են եղել Ուկրաինային ռազմական աջակցության, այդ թվում՝ հակաօդային պաշտպանության հետ կապված հարցերը։
«Ուկրաինան խիստ կարիք ունի հակաօդային պաշտպանության։ Մենք կրկին դիմում ենք այն երկրներին, որոնց պահեստներում կան այդ հրթիռները։ Նրանք կարող են հրթիռները փոխանցել Ուկրաինային, իսկ հետագայում՝ Patriot-ի նոր հրթիռների արտադրության հաշվին, համալրել իրենց պաշարները», — հայտարարել է Կալլասը։
Ավելացնել նոր մեկնաբանություն