Վերջին իրադարձությունները ցնցել են Սփյուռքը. ՀԲԸՄ-ն զսպվածության և ազգային միասնության կոչ է անում
Վերջին իրադարձությունները ցնցել են Հայաստանի և ընդարձակ սփյուռքի հասարակությանը։ ՀԲԸՄ-ն զսպվածության և ազգային միասնության կոչ է անում
«Կարևոր է ընդգծել, որ չպետք է խախտվեն ՀՀ Սահմանադրության դրույթները և ժողովրդավարական գործընթացները։ Կառավարության հիմնական իրավունքներն ու պարտականություններն են ժողովրդավարական գործընթացի շրջանակներում հարգել առանձին անձանց խոսքի ազատության իրավունքը և ապահովել օրենքների կիրարկումը։
Ինչպես Սահմանադրությունը, այնպես էլ Խղճի ազատության և կրոնական կազմակերպությունների մասին օրենքը հստակ տարբերակում են պետության և Հայաստանյայց առաքելական Սուրբ Եկեղեցու դերերն ու պարտականությունները:
Եկեղեցին ավելի քան 1700 տարի առաջնորդող ուժ է եղել կայսրություններին, թագավորություններին, տոտալիտար ռեժիմներին դիմակայելու հարցում: Մենք պետք է միասին առաջ շարժվենք, որովհետև միասնության մեջ է ուժը, և միայն միասնության մեջ կարող ենք հուսալ, որ կհաղթահարենք մեր առջև ծառացած մարտահրավերները»,- ասված է Հայկական բարեգործական ընդհանուր միության հայտարարության մեջ:
Ավելացնել նոր մեկնաբանություն