Չնայած Պուտինի հայտարարած հրադադարին՝ Ուկրաինան հայտնել է Սումիի մարզի հրետակոծության մասին
Ռուսաստանն ակտիվացրել է Ուկրաինայի Սումիի մարզի հրետակոծությունն ու մեկ մարդու զոհվելու պատճառ դարձել, թեև ՌԴ նախագահ Վլադիմիր Պուտինը հայտարարել է եռօրյա հրադադար, որը, ռուսական կողմի փոխանցմամբ, ուժի մեջ է մտել այսօրվանից։ Այս մասին, ըստ korrespondent.net-ի, հայտնել են Ուկրաինայի Զինված ուժերի ռազմաօդային ուժերը և Սումիի մարզի Արտակարգ իրավիճակների պետական ծառայությունը։
Ուկրաինայի ռազմաօդային ուժերի տվյալներով՝ մայիսի 8-ի գիշերը ռուսական կողմը Սումիի մարզում ուժեղացրել է մարտավարական ավիահարվածները՝ օգտագործելով կառավարվող ռումբեր։ Մասնավորապես, մայիսի 8-ի առավոտյան հակառակորդը ավիահարվածներ է հասցրել Բելոպոլսկայա համայնքի տարածքին։
Հարվածների հետևանքով երեք բնակելի շենքերում հրդեհներ են բռնկվել։ Փրկարարները դեպքի վայրում աշխատել են գիշերվանից մինչև առավոտ։ Զոհվել է մեկ քաղաքացիական անձ։
Ավելացնել նոր մեկնաբանություն