Հնդկաստանի և Պակիստանի միջև բանակցությունները կվարեն միայն զինվորականները․ Hindustan Times
Հնդկաստանը Պակիստանի հետ կբանակցի միայն ռազմական մակարդակով, քաղաքական շփումներ չեն լինի։ Այս մասին հաղորդում է «Hindustan Times» թերթը՝ հղում անելով իր աղբյուրներին։
«Մենք սկզբից ի վեր այն կարծիքին ենք եղել, որ Հնդկաստանի և Պակիստանի միջև միակ բանակցությունները, որոնք տեղի կունենան, կլինեն ռազմական հրամանատարների միջև, և անմիջականորեն քաղաքական բանակցություններ չեն լինի»,- ասել են աղբյուրները։
Նրանք նշել են, որ Հնդկաստանի վարչապետի ազգային անվտանգության հարցերով խորհրդական Աջիտ Դովալի և Հնդկաստանի արտաքին գործերի նախարար Սուբրամանյամ Ջայշանկարի ու նրանց պակիստանցի գործընկերների միջև որևէ շփում չի եղել։
Բացի այդ, պաշտոնական Նյու Դելին կարծում է, որ Քաշմիրի հարցում Իսլամաբադի հետ քննարկելու ոչինչ չկա, բացի Պակիստանի կողմից «անօրինականորեն օկուպացված» տարածքների Հնդկաստանին վերադարձնելուց, և այս թեմայի շուրջ քննարկումները պետք է անցկացվեն անմիջականորեն։
«Այլևս քննարկելու բան չկա։ Նրանք պետք է վերադարձնեն անօրինականորեն օկուպացված տարածքը, և նրանք կարող են դա անել անմիջապես։ Մեզ ոչ ոք պետք չէ մեր միջև»,- ասել են հրատարակության աղբյուրները։
Ավելացնել նոր մեկնաբանություն