Ռուսաստանը և ԱՄՆ-ն կարող են վերսկսել զենքի վերահսկման շուրջ բանակցությունները
Մոսկվան և Վաշինգտոնը կարող են վերադառնալ սպառազինությունների վերահսկման շուրջ բանակցություններին՝ Միացյալ Նահանգների կողմից երկխոսության հավասար և փոխադարձ հարգանքի մոտեցմամբ, հայտարարել է Ռուսաստանի արտաքին գործերի նախարար Սերգեյ Լավրովը։
«Հենց Միացյալ Նահանգներն էր, որ դուրս եկավ ռազմավարական կայունության ամրապնդման գործընթացից։ Եթե նրանք ցանկանում են վերադառնալ այս ուղուն, կտեսնենք, թե ինչ պայմաններում դա հնարավոր կլինի։ Քանի որ ԱՄՆ-ն դոկտրինալ փաստաթղթերում մեզ անվանում է «հակառակորդ», իսկ որոշ ժամանակ առաջ ամերիկացի պաշտոնյաները մեզ անվանում էին «թշնամիներ», մենք ուզում ենք հասկանալ, թե ինչ է մտածում Վաշինգտոնը մեր հարաբերությունների մասին և արդյոք պատրաստ է (ես կցանկանայի ևս մեկ անգամ ընդգծել) հավասար, փոխադարձ հարգանքով երկխոսության՝ ուղղված շահերի հավասարակշռության որոնմանը։ Եթե սա է մոտեցումը, ապա ամեն ինչ հնարավոր է»,- ասել է Լավրովը CBS հեռուստաալիքին տված հարցազրույցում։
Ավելացնել նոր մեկնաբանություն