Ռուսաստանը հարվածել է Խարկովին և Չեռնիգովին, կան զոհեր ու վիրավորներ
Ռուսական անօդաչու թռչող սարքերը հունիսի 5-ի գիշերը գրոհել են Ուկրաինայի Չեռնիգովի մարզի Պրիլուկի քաղաքը, որի հետևանքով զոհվել է առնվազն հինգ մարդ, այդ թվում՝ մեկ տարեկան երեխա, հայտնել է Չեռնիգովի մարզային ռազմական վարչության ղեկավար Վյաչեսլավ Չաուսը։
Նրա խոսքով՝ Պրիլուկիի վրա հարձակվել է առնվազն վեց անօդաչու թռչող սարք։ Դրանք վնասել են բնակելի թաղամասերի տները։
«Նախնական տեղեկություններ կան հինգ զոհվածի մասին՝ երկու կին և մեկ տարեկան երեխա, որոնք հայտնաբերվել են փլատակների տակ», - ասվում է հայտարարության մեջ։ Նա հավելել է, որ տեղեկություններ կան 17 վիրավորի մասին, որոնք հոսպիտալացվել են։
Բացի այդ, ռուսական զորքերը գիշերը հրթիռային հարձակում են իրագործել Խարկովի վրա: Ավելի ուշ հաղորդվել է, որ հարձակումը հրդեհ է առաջացրել բազմահարկ շենքում, և կան զոհեր:
Ավելացնել նոր մեկնաբանություն