Ռուսաստանը հարվածել է Կիևի մետրոյի կայարանին․ մեկ մարդ է զոհվել
Հոկտեմբերի 18-ի գիշերը ռուսական զորքերը բալիստիկ հրթիռներով հարվածել են Կիևին։ Հարձակման հետևանքով զոհվել է 21-ամյա մի աղջիկ, ևս ութ մարդ վիրավորվել է, հայտնել են Ուկրաինայի պետական արտակարգ իրավիճակների ծառայությունից (ԳԱԻԾ)։ Գնդակոծության ընթացքում վնասվել է քաղաքի ձախ ափին գտնվող «Չեռնիգովսկայա» մետրոպոլիտենի վերգետնյա կայարանը։
Կայարանի հարևանությամբ բեկորների ընկնելու հետևանքով տեղի է ունեցել երթևեկային և կոնտակտային ռելսերի խզում։ Կիևի Սոլոմյանսկի շրջանում հրթիռի բեկորները հարվածել են 25-հարկանի բնակելի շենքի առաջին հարկին և ընկել բժշկական հաստատության վրա։
Բացի այդ, Դնեպրովսկի շրջանում արձանագրվել է հարված ոչ բնակելի կառուցապատման տարածքին։
Ավելացնել նոր մեկնաբանություն