Ռուսաստանի հետ ԱՄՆ-ի բանակցությունները ձախողվել են․ ՌԴ ԱԳՆ
ԱՄՆ-ի՝ Ռուսաստանի հետ բանակցությունները ձախողվել են: Ամերիկացի բանակցողները չեղյալ են հայտարարել դեսպանատների աշխատանքի կարգավորման հարցով ՌԴ պատվիրակության հետ հանդիպումը։
Այս մասին հայտարարել է ՌԴ ԱԳՆ ներկայացուցիչ Մարիա Զախարովան։
«Այսօրվա դրությամբ երկու երկրների դիվանագիտական ներկայացուցչությունների գործունեության կարգավորման նպատակով երկկողմ խորհրդակցությունների շրջանակներում հերթական հանդիպումը չեղյալ է հայտարարվել ամերիկացի բանակցողների նախաձեռնությամբ»,- ասված է Զախարովայի հայտարարության մեջ։
Դիվանագետը հույս է հայտնել, որ Վաշինգտոնի վերցրած դադարը շատ չի երկարի, սակայն չի նշել ոչ բանակցությունների նոր ամսաթիվը, ոչ էլ պատճառը, թե ինչու է ԱՄՆ-ն որոշել հետաձգել հանդիպումը:
Ավելացնել նոր մեկնաբանություն